Elhuyar Zientzia eta Teknologia aldizkaria - 2010eko iraila
- Elhuyar Zientziaren Komunikazioa
- Aldizkaria
-
- Urtea:
- 2010
- Tamaina:
- 21 x 27 zm. cm
-
- 4,30 € (4,50 €)
- Erosi
- *****
-
- Deskribapena
Ustezko botika bat hartu, eta sendatuko gaituela pentsatzeak benetan efektua duen substantzia baten eragin bera izan dezake zenbaitetan. Itxaropenezko pilulak dira, eta eragin terapeutikoa izatera irits daitezke. Bigarren Mundu Gerran deskubritu zuen plazebo-efektua medikuntza modernoak, morfinarik izan ez eta gatzarekin anestesiatuta egin zutenean ebakuntza bat. Harrituta ikusi zuten, orduan, soldaduak ez zuela minik sentitu eta morfina jaso izan balu bezala erreakzionatu zuela.
Harrezkero, plazebo-efektuaren atzean dauden mekanismo fisiologiko, biokimiko eta immunologikoak argitzen hasiak dira ikertzaileak, eta gauza bat garbi dute: buruarena dela sendabidea.
Horiexek ekarri ditugu iraileko zenbakira: plazebo-efektuaren nondik norako harrigarriak, batetik; hura azaldu nahi duten mekanismoak, bestetik, eta plazeboarekin kiribildutako kontu etikoak, azkenik. Izan ere, plazeboaren erabilerak zalantza etiko handiak sortzen ditu mediku-kontsultetan zein ikerketa klinikoan.
Horrez gain, beste erreportaje hauek ere aurkituko dituzu iraileko Elhuyar Zientzia eta Teknologia aldizkarian:
• Elkarrizketa: Joe Silk, Oxford Unibertsitateko kosmologoa. Kosmologiaren izen handietako bat da Silk; haren lanari esker ulertzen dugu nola eboluzionatu zuen unibertsoak. Sabilian Chair of Cosmology postua du Oxforden, duela mende asko sortutako ohorezko postu bat.
• Espazioko menua. Espazioan jateko beharra izan zuten lehen astronautak eta kosmonautak bat zetozen: jandakoak ez zituen asebetetzen. Hain zuzen ere, zailtasun teknologikoak gaindituta, gustukoa jan ahal izateak gidatu du azken urteotan espazioko gastronomia. Baina orain ere ezin dute edozer eraman. Zertan datza, bada, espazioko gastronomia?
Eta ataletan:- Mundu digitala: Web mugikorretik nabigatzeko modu berriak (II): atzipen multimodala
- Mundu ikusgarria: Sardinia, mendia itsasoan
- Gai librean: Sauna, nerbio-anorexiaren irtenbide ote? Itziar Txurruka, Arrate Lasa, Jonatan Miranda eta Jon Zarate, EHUko Farmazia Fakultatea.
- Analisia:Darwinkeria. Kepa Altonaga. EHUko biologia-irakaslea
- Gogoetan: UTM, geografia modernoaren errege
- Istorioak: Weigl doktorearen zorriak
- Liburutegia: Microcosmos / Lynn Margulis eta Dorion Sagan
